SIAM AI Fresco Dining (已結業)

订枱可以打电话或者send whatsapp，可能系圣诞档期繁忙既关系，电话打左好多次都冇人听，send whatsapp回覆话成个12月都full booking。但由于成班feiend都想试，所以再打去，几经辛苦先等到有人听，仲话有位添，咁我就唔追问佢点解whatsapp话冇位啦～火锅料一般既都有齐，系冇饺类，海鲜就得蚬，肉类就得牛同猪。我地对猪同牛都好失望，猪肉太肥牛肉太瘦两种肉都唔好食。汤底方面就有椰子汤同冬荫公汤，可能我地成班人都钟意辣，就嫌本身个汤唔够浓，于是系自助区拎几碗冬荫公汤倒落个锅到，系浓味过本身既汤底嫁！食食下我地直头用冬荫公汤代替豉油，仲爽皮！惊喜既反而系熟食区，炸鸡翼热辣辣超好食，仲有马拉盏炒通菜、无骨凤爪、虾饼等泰式小食。甜品除左必食既芒果糯米饭、仲有椰汁西米糕、芒果mousse cake、椰汁糕等，都算几多选择。野饮有啤酒汽水任饮，但我地个晚就得啤油雪碧，同埋热芒果姜茶，都值得一试既。