象月-泰式休閒餐廳 (已結業)

同屋企人入开大埔，见呢间泰国菜新开，即管试吓。餐厅光猛整洁，几钟意佢啲灯，餐牌有好多相，即管睇下实物系咪咁先！见隔离枱食生虾刺身（ $95/六件），我哋又叫咗碟，刺身新鲜，还附送冰镇苦瓜，不错！要咗个炸虾饼（ $78 ），都有八件，弹牙有质感，不错不错。仲有炸单骨鸡翼八件（ $48 ），腌得入味，几好味。门口个牌写厨师推介有沙嗲串烧拼盘（88），所以都叫一个嚟试吓，烧得刚刚好没有过火，而且腌得好惹味，推介！食得泰国菜梗系想试返碗冬阴公（ $138 ），冬阴公和香草味浓郁，但又唔会太辣，很不错！马拉盏炒椰菜（ $78 ）都几好，啲菜够新鲜，又够入味，系份量稍为少咗啲。我哋仲惊死唔够饱叫咗两个饭，新鲜菠萝炒饭（ $108）同火焰海鲜椰青饭（ $98 ），点知鬼死咁大碟，啲饭多到成座山咁。菠萝炒饭用菠萝壳盛载，肉松、腰果、菠萝、杂豆和虾等等，几好味。椰青饭都几惊喜，除咗足料，仲好有椰浆味，连椰青肉都一齐煮，值得推介！