曼谷泰菜 (已結業)

同好朋友每年一度既团拜，今次拣左曼谷泰菜，是值新正头，度度都人山人海，呢边算唔等得太耐，好彩有朋友挨义气先去攞飞。食亲泰国菜我必点生虾刺身，但可惜今日暂停，侍应话唔系咁靓今日无供应。不过无得食，总好过食质素差既虾既。猪肉生菜包，猪肉辣辣地，有新鲜生菜包住食！另外仲有小食拼盘，忘记左影独照，虾饼同春卷各款都唔错！炒芥兰就一般，芥兰唔靓，有渣。虾酱腊肠炒饭都几好食，不过就好似唔太有虾酱味啰。个元宝仔系朋友车公庙买返黎，摆落去影相又几过瘾。糯米酿鸡翼，我本人觉得怪怪地，可能因为Ｄ糯米饭有花生，我唔钟意食花生。虽然枱与枱之间无乜空位，但张枱都够大，叫多几个𩠌都放到，我地大约7点几入座，最尾都坐到成10点无赶我地走，期间侍应都好亲切帮我地影相同埋加水，服务几好。