Greyhound Café (MOKO新世紀廣場) (已結業)

天气太冻，又落大雨 ，在工作一天之后！真系好想为自己打打气！ 入商场揾食，唔使再吹风！去到门口见到好多人，以为要等好耐！同门口店员攞位！居然即刻有位！ 坐近门口一个靠墙双人位！可以望晒餐厅格局，黑白简约设计，店内有道好像工厂嘅铁闸，因为无行到入去，唔知入面装修！店员放低餐牌！餐牌面几特别，好像皮革笔记本，图文并茂，落好单我再问店员攞埋甜品餐牌（好似相簿咁！）我主力想试墨汁面！所以拣了：鲜虾带子墨汁面：店员带提我呢个面会辣！上菜卖相好靓，七彩缤纷，有好多九层塔，带子煎到金黄色，入面鲜嫩，虾肉爽口，鱿鱼圈唔韧！墨汁面有咬口，汁料先至惊喜，泰式辣味，都几辣，但惹味！中间仲夹杂几串鲜胡椒！十个好味！蓝兰豆甜菊花茶：用茶壶上（即刻高级咗）最特别系颜色，以为系黑色，倒出系蓝色！够热，味道系菊花茶啖啖嘅味道，带啲蓝兰豆嘅甘甜！要落蜜糖先好味啲！特别但未必会试下一次！榛子香蕉芝士饼：店员会食晒啲主食先上甜点！卖相好靓，香蕉新鲜，配上榛子朱古力面嘅芝士蛋糕，芝士蛋糕质地似纽约芝士饼，挺身但唔会硬！再加洒上朱古力粉，令整体味道一致，味道好夹！店员勤快，但唔太熟悉菜式，因为我问个好店员意粉里面啲系唔系