曼谷泰菜 (已結業)

公司附新的新都会广场开左一间曼谷泰菜，但一直未有时间去光顾。是次系天后揾食，见到有分店，就去食个lunch。有lunch set，包野饮。叫左泰式虾球炒金边粉，虾球有几粒，但略韧。面头的配菜几乎是全生的，最上面那条绿色我都唔知系葱定香茅，非常干硬。金边粉太淋而且太甜，有点似食紧甜既面糊咁！餐饮叫左奶茶，饮左一啖就顶唔顺，后来阿姐问我做咩唔饮，我话饮唔落，然后阿姐好串下咁同我讲：我地既唔系香港奶茶，系泰式奶茶黎架，你唔知咩！饮唔落就唔好叫麻！真系火都黎埋，系，我真系唔知，无人同我讲！不过我无顶嘴，我真系乖猪！