新嚐泰泰國餐廳

营业中

休息中

环境5分：入大厦要㩒钟，正常楼上餐厅格局，地方都算大同阔落同光猛，墙上面彩色图画，一边嘅窗可以全部打开，非常通风凉爽，好有泰国风味，可以畀五分。卫生5分：新舖地方好干净，枱面一Ｄ都冇黐立立，卫生一样畀五分。服务5分： 服务员态度好，爽手又唔啰唆，服务畀满分。味道5分：1)    小食拼盘有齐鱼饼，虾饼，春卷，肉丸生菜包，大部份都切开一半，方便入口。春卷入面好多粉丝同有少许咖哩味，非常特别，最正系个又爽又脆卜卜嘅虾饼。2)    马拉盏炒通菜野味，都算辣，好新鲜。3)    曼谷海南鸡鸡肉非常嫩滑，个汁辣辣地好开胃。4)    鸡油饭唔会太油，份量大过普通一碗饭。5)    泰国胜狮啤比普通大杯，清爽好抵饮。抵食5分：平均每人两百几蚊又食肉又食菜又食饭，仲饮埋啤酒，好饱肚，抵食可以畀五分。