泰拍耶

营业中

休息中

今日同老公去咗黄埔AEON办年货，买咗好多嘢准备过年，买完开始有啲肚饿，一行出超市就见到呢间装修精致嘅泰国餐厅，又有好多菜式选择。我哋叫咗2人海鲜精选套餐，有头盘、主菜、汤、主食，埋单都系$388加一，嗌埋泰式奶茶都系加$12，好抵食！ 泰式烧牛肉沙律沙律份量都算多，牛肉烧完唔会干争争，调味系有少少辣嘅，好惹味香口，总共有差唔多十块烧牛肉，每一块都算厚肉，性价比高泰拍耶招牌黄咖喱面包软壳蟹一上枱见到个份量都有吓亲，原来系咁大碟嘅！ 软壳蟹大大嚿，炸粉唔会好厚，黄咖喱调味适中，唔会过咸或者好辣，配埋面包真系好好食，个面包有烤到卜卜脆再吸晒啲咖喱汁真系好正😆😆泰式椰汁鸡汤平时嗌冬阴功汤就试得多，泰式椰汁鸡汤我都系第一次饮，味道好好味，既有泰式嘅酸辣味，但又有椰汁煲鸡嘅滋润，配料有好多鸡肉、菇同埋蕃茄仔，好多料。上枱时热辣辣好适合今日咁冻嘅天气饮，饮完个身都暖晒，好推介😋😋👍🏻泰拍耶招牌泰式牛肉船河船河味道好正宗，完全系我之前去曼谷食嘅一模一样，好回味😆牛肉片唔会老，份量都有好多片，河粉唔会煮到烂晒，钟意食汤面嘅一定要嗌嚟试吓！另外+$25有是日精选泰式甜品，今日甜品系椰汁西米糕，一份有四嚿