泰邊爐 (已結業)

大家去旺角食饭，通常都会食泰菜，旺角开左间泰式火锅，泰菜就食得多，泰式火锅就未食过，非常之特别餐厅装修非常之有泰国特色，而且座位好宽阔，唔会觉得好迫。侍应都非常之有礼貌，而且讲解每一样汤底同配料，好有耐性，而且推介一啲新鲜嘅材料。餐厅有好多唔同款式嘅火锅汤底，而且每个汤底都好有特色，店员推介呢一个鸳鸯汤底，传统冬阴公汤底同蕃茄猪骨汤底，冬阴公汤底唔会好辣，又好足料，大大只虾喺入面，非常鲜甜，至于猪骨汤亦都好香浓入味。安格斯肥牛肥牛个花纹好靓，脂肪比例适中，灼一阵就可以食，入口好香好滑，牛味好香浓，正仲有羊肉配泰式汤零舍特别，加埋泰式粉丝实在无得输，索晒冬阴公汤简直系一流，有如致身于曼谷市中心既感觉。炸鱼皮先就咁食一件先，好脆好香，本身已经有少少味道，就咁食都好好食，浸一浸汤底又有另一番风味菜篮既菜全部都好新鲜~唔怪得呢一间泰火锅店咁多人排队，因为火锅料好有特色，而且火锅汤底又好味，连饮品都好好味，绝对值得一试。