泰歡迎

营业中

休息中

今日嚟到黃竹坑食午飯，見到南朗熟食市場有泰國菜，就試一試。餐廳主要食泰國菜，但都有少少中國菜。我今次叫咗泰式炸蝦餅蛋包飯，醬汁可自選，我今次就配沙爹汁。蛋包飯賣相都算唔錯，份量都大味道就一般般，可能配咖喱會好啲掛。飲品我+$8轉咗特飲，叫咗珍多冰。味道一般般，好稀吓。環境同衛生方面，呢度係熟食市場，環境同衛生都唔會話好好㗎啦。服務方面，員工人手都不足，叫落單都要叫一陣先有人。食客食完都有排冇人執嘢，引埋啲小昆蟲嚟。員工嘅態度都麻麻哋，好唔耐煩咁，畢竟都多嘢做。