影片
更多
2025-02-08
0 浏览
九龙城有唔少泰式菜馆，朋友今晚带我嚟食泰式烧王2，以为新年少啲人食泰国菜，点知原来好多人，好在早少少到，仲有枱，坐低五分钟左右已经满座，好有人气呀！睇完餐牌，好多嘢都想试想食，认真贪心，所以慢慢嚟一开始食烧牛肉沙律，干爽新鲜的杂菜，加少许柚子汁，配选料上乘的烧牛肉，美味又开胃！牛肉本身约有八成熟，入口肉汁丰富，咬口极佳！整碟沙律份量唔细，性价比好高！跟住上冬荫公汤，汤嘅酸辣度好平衡，亦冇过咸，由于我哋冇点选咖哩嘅食物，但又因为肚饿，所以点了蒜蓉包浸汤吃。蒜蓉包上碟时香气四溢也很脆，索满冬荫公汤又系另一番滋味，酸酸辣辣的包原来好过瘾！大虾虾肉新鲜弹牙，杂菇和虾的咬口竟然有点相似，好特别㖞！趁热饮呢个汤，就系最好嘅选择！呢个时候，刚刚好马拉盏炒通菜同泰式明炉鱼一齐上，好正好正！通菜上菜时已经系阵阵咸香，菜炒得翠绿亦冇“水汪汪”，相当鲜嫩可口，厨房师傅应记一功！喜欢呢度嘅明炉鱼有不同的鱼类选择，当中竟然有盲曹，相对乌头更滑又少啲骨，咁当然唔使谂其他啦！咁幼滑嘅鱼，浸汤明炉上会唔会浪费咗？答案系完全唔会，因为泰式汤底令鱼肉保持幼滑之余，亦加多一份鲜甜！少少辣椒粒，蒜片，酸梅，洋葱，加配不少肉碎
九龙城有唔少泰式菜馆，朋友今晚带我嚟食泰式烧王2，以为新年少啲人食泰国菜，点知原来好多人，好在早少少到，仲有枱，坐低五分钟左右已经满座，好有人气呀！睇完餐牌，好多嘢都想试想食，认真贪心，所以慢慢嚟
一开始食烧牛肉沙律，干爽新鲜的杂菜，加少许柚子汁，配选料上乘的烧牛肉，美味又开胃！牛肉本身约有八成熟，入口肉汁丰富，咬口极佳！整碟沙律份量唔细，性价比好高！
跟住上冬荫公汤，汤嘅酸辣度好平衡，亦冇过咸，由于我哋冇点选咖哩嘅食物，但又因为肚饿，所以点了蒜蓉包浸汤吃。蒜蓉包上碟时香气四溢也很脆，索满冬荫公汤又系另一番滋味，酸酸辣辣的包原来好过瘾！大虾虾肉新鲜弹牙，杂菇和虾的咬口竟然有点相似，好特别㖞！趁热饮呢个汤，就系最好嘅选择！
呢个时候，刚刚好马拉盏炒通菜同泰式明炉鱼一齐上，好正好正！通菜上菜时已经系阵阵咸香，菜炒得翠绿亦冇“水汪汪”，相当鲜嫩可口，厨房师傅应记一功！喜欢呢度嘅明炉鱼有不同的鱼类选择，当中竟然有盲曹，相对乌头更滑又少啲骨，咁当然唔使谂其他啦！咁幼滑嘅鱼，浸汤明炉上会唔会浪费咗？答案系完全唔会，因为泰式汤底令鱼肉保持幼滑之余，亦加多一份鲜甜！少少辣椒粒，蒜片，酸梅，洋葱，加配不少肉碎和葱条伴著鱼吃，系层次丰富的口感，一啖一啖慢慢食，系一个很享受食嘅过程！
食咗咁多嘢，二人都唔使$500，因为冇茶介加一，简简单单就系好！
张贴
