船皇 (大埔超級城) (已結業)

假日流流忽然船面瘾起，都唔知区内有咩铺头有得食，平时船皇得小猫三四只，怀住试伏嘅心态，都系去一去试下。正宗船面真系细细碗嘅，一两啖食完，但今次都系食番大碗N3。牛腩+牛肉片+牛肉丸金边粉份量唔少，先试一啖汤头，唔会太咸，有香料味。牛腩煮得颇腍，而牛肉片同牛丸就只系普通货色。金边粉连埋船面汤底最衬，因面条系幼身容易吸汤。如果食得到辣啲，枱面有三种调味料可自行加料。另外套餐都拣左虾卷，薯丝包裹住虾肉，炸得香脆可口。食完觉得未至于中伏，只系人手唔够令出品有所影响。