影片
更多
2022-05-31
575 浏览
中午同同事行咗去厚福街𠮶边食晏，想食得轻盈啲，所以拣咗食面🍜，帮衬「船皇」。有时经过见到要等位，但今日好好彩可以直入！餐厅顾名思义系食船面⛵️，但同时亦注入港式车仔面嘅元素，即系可自选汤底、面底再加𩠌。喺尖沙咀区嚟讲，佢定价唔算贵，三𩠌面$48。我哋嗌咗两碗面同两个小食，人均消费七十蚊都唔使。份量正正常常啦，男仔就可能要加底🙈。正宗船皇牛骨汤河粉，🐮牛骨汤色水好深，味道好浓稠，浓浓泰式风情。面底要咗河粉，但同认知中嘅好唔同，因为佢系块状，有啲似日本嘅白布乌冬，口感好得意呢。𩠌料方面，我哋要咗鱿鱼须、竹笙同牛柏叶，几款料都系索汤之选，而鱿鱼就好鬼爽弹🦑。每碗汤面均配有通菜同芫荽，但就无葱，非常好。泰式香浓沙爹汤米粉，沙嗲汤同港式嘅大不同，佢唔系杰挞挞𠮶种，反而仲带少少酸辣味🌶，米粉就属正常发挥啦。𩠌料方面，我哋要咗美国安格斯肥牛片、泰式牛肉丸同卤水鸡翼，配料分$8同$10，但两者均可自由搭配。🥩肥牛片有好多片，但牛丸就似鱼蛋多啲，有少许失望。虾卷($22)，佢其实系泰式炸春卷，而中间就再多只鲜虾🍤。春卷炸皮酥脆得嚟唔油腻，系既简单又香口嘅小食。泰式秘酱通菜($14)，💚通菜菜叶比较多，可能
中午同同事行咗去厚福街𠮶边食晏，想食得轻盈啲，所以拣咗食面🍜，帮衬「船皇」。有时经过见到要等位，但今日好好彩可以直入！
餐厅顾名思义系食船面⛵️，但同时亦注入港式车仔面嘅元素，即系可自选汤底、面底再加𩠌。喺尖沙咀区嚟讲，佢定价唔算贵，三𩠌面$48。
我哋嗌咗两碗面同两个小食，人均消费七十蚊都唔使。份量正正常常啦，男仔就可能要加底🙈。
正宗船皇牛骨汤河粉，🐮牛骨汤色水好深，味道好浓稠，浓浓泰式风情。面底要咗河粉，但同认知中嘅好唔同，因为佢系块状，有啲似日本嘅白布乌冬，口感好得意呢。𩠌料方面，我哋要咗鱿鱼须、竹笙同牛柏叶，几款料都系索汤之选，而鱿鱼就好鬼爽弹🦑。每碗汤面均配有通菜同芫荽，但就无葱，非常好。
泰式香浓沙爹汤米粉，沙嗲汤同港式嘅大不同，佢唔系杰挞挞𠮶种，反而仲带少少酸辣味🌶，米粉就属正常发挥啦。𩠌料方面，我哋要咗美国安格斯肥牛片、泰式牛肉丸同卤水鸡翼，配料分$8同$10，但两者均可自由搭配。🥩肥牛片有好多片，但牛丸就似鱼蛋多啲，有少许失望。
虾卷($22)，佢其实系泰式炸春卷，而中间就再多只鲜虾🍤。春卷炸皮酥脆得嚟唔油腻，系既简单又香口嘅小食。
泰式秘酱通菜($14)，💚通菜菜叶比较多，可能唔系平日食开嘅品种，但质感都算爽脆，而且秘制海鲜辣酱几惹味。
冻泰式奶茶(+$14)，泰式奶茶系我至爱🇹🇭，而且佢仲要无落冰，唔会因溶冰而沟淡，甜度适中，茶底唔涩，好饮🤤。
总括嚟讲，如果想食个泰式风味嘅车仔面可以嚟呢度🚗，晚市嚟的话更可帮衬埋串烧，睇餐牌好似都系十几蚊就有交易添。
张贴
