篤篤船麵 (荃灣千色匯) (已結業)

今日做孝顺女陪太婆去食饭，太婆话想食泰国菜，于是就拣咗呢一间睇落去都几好食舖头食嘢啦。我哋就拣咗佢推介嘅两个嘢食，咸蛋木瓜沙律，慢煮牛柳浓汤船面，跟住仲叫咗个自选船面，拣左牛腩，猪颈肉，牛丸嘅金边粉薯面。而嘢饮方面呢，我哋就叫咗泰式奶茶少冰，感受下泰式风情。咸蛋木瓜沙律酸酸甜甜又辣辣地，非常之开胃下，钟意重口味同埋食辣野嘅人一定要试吓黎做开胃菜。跟住仲有牛腩牛丸同埋猪颈肉嘅金边粉，牛腩食落去非常之淋，好好食，猪颈肉亦都非常之鲜甜，好味净系加两蚊非常之抵。至于个牛柳浓汤船面，汤底真系非常之浓，闻到好浓郁嘅牛肉味，配埋河粉非常之入味，牛柳肉质非常之鲜甜，放入口好嫩滑，唔会太熟或者太韧，咁就啱啱好啦。太婆食得好开心🥳。