阿來泰式地道風味 (已結業)

今日同朋友去咗长沙湾行街，去完泰国旅行之后都好耐冇食过泰国菜，所以今日决定试吓阿来泰式地道风味。个炒饭酸辣味好够，海鲜配料亦都好足料，有青口、鱿鱼同埋虾，虾都好大只我哋当日去系星期一，佢嘅特价菜色就系明炉乌头鱼。条鱼好大条、好新鲜。佢有个酸辣汤浸住条鱼，超级香，一黎到已经忍唔住饮咗好几啖，酸酸辣辣令人更加开胃。餐厅装潢都好有泰式风味，座位亦都有好多，空间感好阔。我哋去嘅时候七点半，时间尚早，所以店员安排到我哋坐到卡位。炒通菜好有镬气，仲辣辣地添。薄饼唔会太厚，份量亦都足够。餐厅搞紧新春优惠，一星期每一日都有唔同嘅优惠菜式。去完旅行返嚟之后，超级挂住生虾刺身，所以我哋两个人叫咗两碟，个酱汁超正。生虾刺身嘅精粹就系个酱汁—酸辣汁，好够辣味。啲生虾亦都好肥美，好大只，仲有八只咁多，唔似其他泰国餐厅得四五只。我哋仲叫咗一个辣椒膏虾头油海鲜炒饭、一条明炉乌头鱼、薄饼同炒通菜。饮品方面，我哋就带咗一个椰青同一杯龙眼冰。椰青好大个，味道超级鲜甜，龙眼冰亦都有好多龙眼肉。总括而言，呢间泰国餐厅价钱合宜，超高水准。食咗咁多嘢，两个人都系＄500有找。下次一定会再带朋友去食。