Le Viet

营业中

休息中

位于尖沙咀The One入边4楼嘅泰式餐厅，Le Viet. 中午好多人食饭，要等一等位。午市呢有一啲套餐系平过主餐牌，可以跟埋嘢饮。佢嘅招牌菜系一个椰青海鲜饭，不过今次冇食到。大虾菠萝饭完整菠萝，去亲泰国都有菠萝炒饭，通常都会上一个完整微波炉，呢一间就有一个完整嘅菠萝炒饭。个面啦有啲肉松，另外入面嘅炒饭炒得好均匀，入面嘅菠萝好甜有粒粒嘅菠萝，另外仲有好多不同种类嘅肉类，完整大虾仁等等。炒得唔错亁爽。精选拼盘有春卷，虾饼，蒸粉卷，仲有猪颈肉，四样嘢。虾饼炸得香脆。入面有虾肉，蒸粉卷入面有肉粒云耳等等，春卷系用泰式嘅米粉皮包住入边有芋头等等，猪颈肉肥瘦啱啱好。柚子海鲜沙律话明系沙律呢，就系冻冻地嘅，入面包含咗好多材料，除咗有虾仁，鱿鱼，仲有新鲜嘅西柚，香脆嘅腰果，伴随住呢就系白/红萝卜丝。Refleshing，口感凉浸浸，夏天食呢就啱啱好。