泰越概念 (已結業)

一向都好少去近富豪酒店歌边午饭，今日为咗过嚟呢边买水果，于是就去咗呢一度新嘅商业大厦，佢嘅3楼就系呢间有泰式同埋越式嘅餐厅，见到午餐大部分个价钱都系70几蚊，重包你饮一杯特饮，一于去试吓好唔好味。佢个餐牌嘅午市菜色包罗万有，又有越式嘅梦粉，又有好多款泰国传统特色食物。最后我决定要呢个价值$78嘅金边粉，餐厅可以俾你拣系海鲜抑或系鸡肉做个配菜，咁我就拣咗海鲜。对于呢个金边粉嘅评价系，分量好多，但系味道就稍为淡，缺少咗泰式食物丰富层次嘅味道。佢会送一杯特饮，我就拣左青灵梳打, 不过不失啦。整体来讲呢间餐厅系合格嘅，午餐时间来讲都算系坐得几舒服嘅餐厅。