篤篤船麵 (V Walk)

营业中

休息中

船面系泰国地道嘅面食，可惜响香港好少泰式餐厅会以船面做主打。咁啱同朋友经过V Walk见到一间以船面为主打嘅餐厅，于是便入内一试。餐厅唔算大，装修好有特色；彩色嘅小板凳加墙上面挂咗唔少泰国嘅装饰品，好有心思。餐厅与时并进，客人可以选择扫QR Code嚟落单够哂方便！见到佢有𠮶新出品“泰多茜牛柳船面”，本身又钟意食芫茜，于是决定嚟一碗试试。泰多茜牛柳船面份量十足，有牛柳、炸猪皮同劲多芫茜。最欣赏嘅系慢煮嘅牛柳，好有牛肉味而且好软腍。汤底唔太够味，但加返啲鱼露落去即时提升返𠮶味道。笃笃船面 (细碗)汤底、面底、配料全部都可以自己拣。食量大嘅朋友可选择5碗船面套餐。朋友要减肥，所以叫咗三碗。三碗唔同嘅配料，唔同嘅汤底同埋唔同嘅面，拼砌出唔同嘅口味。蔗虾新鲜炸起，热辣辣，细细嚿，爽口弹牙。泰式猪颈肉份量比较少，但系味道可以。沙嗲串拼盘串烧十分香口配埋𠮶酱汁，好惹味。枱面上提供咗唔同嘅酱料而且好齐全，有鱼露、辣椒粉、辣椒油、泰式辣酱等等。客人可以因应自己嘅味道嚟调配食物。最后发现餐厅竟然有竞食比赛，只要系限时内清哂指定数量嘅船面就可以上榜，有兴趣挑战嘅朋友就要嚟试下喇！