SIAM AI Fresco Dining (已結業)

打边炉放题，有几款汤底，我地简左冬阴公。一开始饮左一啲，唔算好辣，酸酸地咁几好饮。如果等紧汤滚又饿，可以食串烧同春卷，串烧有牛同鸡，味道唔错，唔会太咸。春卷入面系菜黎嘅，几清淡。丸同菜系自助嘅，肉类海鲜等等就要点单，最中意哩到啲蚬，好鲜甜而且冇沙。肥牛唔似平时打边炉嘅肥牛，但唔会好靭，次次一上就比人抢哂，冇得影相。虾，店员话系刺身虾黎，虾肉好脆好甜。甜品食左芒果饭，有一半紫糯米同一半普通糯米，好有椰香，芒果都好甜，哩个甜品都encore左一次。