泰邊爐 (已結業)

冬天+星期五，食个火锅火题是必需的吧？旺角琼华、兆万日式放题好多，今次屋企人建议试下新野，唔食鱼生食泰式火锅。好变「泰」，虽然我一早订左位，但都要等1个几钟先入到座。见到咁多人，真心打算走，好在个员工好有耐性又有礼貌（抵赞！），餐厅又识做派下罐装饮品。佢有4、5款汤底拣，有冬阴公鸡煲、椰子鸡煲、青咖哩鸡煲同common 的蕃茄猪骨。我就叫左个椰子鸡，滋润啲同出面食比较贵。真心好食，好香浓的椰子味，不是「求其」的汤底！啲鸡都好有肉味，嫩的。另外可以加泰式香料，自便落。食完鸡煲，佢会上个「套餐」，即只会提供一次的火料配料，例如有靓啲嘅肥牛、手打丸等等。推介的是个生菜包，酸酸地好食。不过套餐送的猪颈肉、排骨就无人食，有啲浪费。如果一早知有咁多猪肉，或者我会叫佢唔好上。至于无限添的火锅料配，就正正常常，应有尽有（肥牛、虾、菜都有...）。我就点左啲特别啲嘅泰式丸同面。我好钟意个泰国宽河粉，熟左会卷埋，好得意。最最最开心的，是食泰式甜品。佢话是泰国直送，可能啦，但真是好食的，唔似是放题会提供的甜品质素。至于饮品，都正正常常，有汽水有啤酒。但建议可以提供啲熟饮，我朋友唔饮冷饮的，所以佢成晚无饮过野