泰巷 (已結業)

一直都想食返餐泰国菜！今次黎到泰巷叫左泰式风味拼盘（极力推介）同埋菠萝海鲜炒饭 呢个拼盘好惹味，好开胃！我个人好食酸辣野，所以好仲意个肉碎生菜包，小小辣，酸酸地，配埋生菜中和返个浓度，做前菜真系岩岩好！ 香辣青柠鱼饼和蔬菜春卷就冇咩特别，不过个春卷炸得好脆！ 仲有个炸单鸡骨，初初望落去以为会炸到好干，但咬落去竟然有肉汁，点小小泰式辣酱，好味！仲意食酸辣既朋友要试！！ 另外个菠萝海鲜炒饭都几足料，青口大只，炒饭唔湿，加埋d肉松食，口感唔错！如果d菠萝可以酸d就更加开胃啦！