阿來泰式地道風味 (已結業)

星期六放假同朋友去左深水埗行黄金, 行到咁上下, 朋友话去喺附近食埋野, 我记得之前食过一间叫阿来既泰菜唔错, 就喺天悦广埸果边。去到门口有唔少人等紧, 不过好好彩, 咁岩等两人位既唔多, 我同朋友等左阵就有位坐喇因为今日特别想食肉, 所以我地好贪心咁叫晒猪牛鸡既小菜首先有海南鸡, 虽然只系叫例牌, 但都几大碟。落单既时候特登叫左走翼, 咁就可以满足我同朋友食啖啖肉既愿望! 海南鸡既肉质好滑, 唔算太多脂肪, 但一d都唔「鞋」,味道岩岩好!之后就有个猪仔脾, 平时食泰菜都钟意叫猪仔脾, 而依度既猪仔脾尤其好食! 虽然猪仔脾连埋d皮睇落有d肥, 但其实系油而不腻, d皮烟烟un un好好咬口, 而猪仔脾肉都好嫩, 系今餐最好食既一样!之后我地仲叫左个咖哩牛腩, 黎食泰菜点可以唔叫curry, 而食curry就梗系要叫埋薄饼! 咖哩牛腩连煲上, 热辣辣!睇见都开胃! 个薄饼有两块, 我同朋友一人一块, 用黎点curry食, 味道好match! 而d牛腩都好够牛味, 不过略嫌多左少少肥, 钟意食肥既朋友一轶觉得正, 可惜我自己就喜欢瘦腩多d朋友仲叫多左杯青柠梳打, 佢话几好饮, 不过我就冇试