泰拍耶

营业中

休息中

同朋友黄埔买完野就揾地方食饭，见佢餐厅装修满有民族风格，又几多客人咁就入去试下，我地叫左个2人套餐，主菜有黄咖喱面包软壳蟹，超级巨型既松软面包，厨师焗脆左变左脆卜卜既多士口感，我中意佢黄咖哩系甜多过辣，加埋有蛋酱捞落咖哩酱变相味道浓郁好多，原只软壳蟹啖啖肉，十分之香脆，仲食到啲炸蟹膏添！椰汁鸡汤都系好特别既菜式，酸酸甜甜的，鸡肉非常嫩滑，仲有唔同杂菌蔬菜，味道丰富，佢个蒜蓉炒椰菜苗都好好食，平时椰菜就食得多，椰菜苗真系第一次食，无念过都几爽甜，质感有啲似菜芯但较菜芯清脆，饮品就大推椰汁冰，椰奶味香浓，有冰都唔怕好快沟稀，朋友叫既姜茶就较暖胃，啱晒女士们养生👍