阿來泰式地道風味 (已結業)

今日我去咗食泰国嘢～虽然我系下午茶时段去嘅,但见到个餐牌之后我都系忍唔住叫咗佢哋个午餐去食佢哋个蚝仔煎蛋饭～以午餐来讲呢个饭系相当抵食嘅,因为厨师用咗好多蚝仔去煎呢个蛋饭,起初我以为个饭会好干,但当你配咗佢哋𠮶个辣辣地嘅汁嘅时候,食落又唔系话好干㖞！加上佢哋煎到只蛋嘅周边都好脆,同埋成碟饭都好浓郁蛋味, 令人对呢道菜印象深刻～依度嘅饮品我建议会嗌少甜因为泰国嘢嚟讲佢嘅嘢饮都算偏甜嘅 而呢杯冻奶茶奶味就好重,如果你嗌少甜嘅话味道既平衡就啱啱好喇！