泰國廚房

营业中

休息中

泰国餐厅 - 门口就有两棵大椰子树🌴，泰式风情十足。餐厅店面够晒大，分室内同室外座位。但因为天气都几热，今次我哋就拣咗有冷气嘅室内座位等自己坐得舒服啲。🍛虾膏炒饭 $60炒饭本身炒得够干身，粒粒分明，炒得算系唔错，加埋鸡蛋同腊肠做配料，整体嚟讲系几好味。美中不足既系炒饭虾膏味唔够，未能够提升到炒饭整体嘅香气。🍢串烧套餐配黄油饭串烧套餐包咗泰式串烧三串，鸡牛猪各一。上菜嘅时候三串串烧都热辣辣，食落非常之香口。三种肉类都唔会烧到好似干柴咁，配埋佢哋嘅沙嗲酱同黄油饭，非常之惹味！总括嚟讲，星期六日$60有一个午餐仲要包埋杯野饮，仲要唔洗加一，都算几抵食啦。如果有机会去开粉岭嘅话，不妨一试呀。