泰潮 (嘉咸街) (已結業)

喺中环一间泰国餐厅，位于中环中心对面，位置有少少隐蔽，但系佢系大街出面摆咗个灯牌，所以都容易揾到嘅。一到餐厅里面， 地方唔算大，但系坐位都尚算宽敞。打开menu有唔同嘅套餐，有一人套餐，2人套餐同埋四人套餐，可以畀顾客视乎人数而选择，对于一啲有选择困难症嘅客人，系一个福音，因为同朋友去所以我点咗一个二人套餐。头盘呢个酸辣凤爪味道超惹味，不过就偏向于辣咗少少，所以如果怕辣嘅朋友可能点木瓜沙律会好啲。虾饼炸得香脆内软，虾饼肉都几弹牙， 唔错，炸春卷就不过不失。扎肉肉碎汤味道唔错，不咸咗少少。海南鸡饭啲鸡肉十分之嫩滑， 而且去晒骨啖啖都系肉， 陪埋佢点鸡嘅酱料简直一流， 至于油饭用鸡油炒过香味十分重。咖哩猪颈肉 ， 唔算特别， 但味道都尚算唔错。至于炒杂菜，草青味比较重，可能蒜蓉落得唔够多。甜品系椰汁大菜糕还算可以。