影片
更多
2020-07-02
58 浏览
木船对大埔人黎讲唔系新餐厅啦，可能佢地开左新分店，原店就转咗menu，而家无咗单点𩠌，专做泰式粉面同饭，但浓浓嘅泰式味道同依旧咁抵食好食。 餐牌唔同咗，但菜式一样丰富，但今次都叫做第一次帮衬新menu，睇价钱算好抵食，不过实在花多眼乱，一于点个门口餐牌推介各点一个，再加多三份小食。 个黑豚腩肉丼真系好正，好香烧烤汁嘅味，啲肉片又烤得少许㶶边唔韧，加上成座山咁满嘅青木瓜丝，开胃得黎配合埋个肉黎食唔油腻。肉量唔少，而且系肉堆中间仲埋藏咗只流心蛋，除咗极度邪恶，仲极度满足。 小食方面点咗炸鱼饼，鸡槌同芝士蘑菇鸡翼。 炸鱼饼同平时系超市买到嘅鱼饼唔同，佢地呢度嘅系比较淋身烟韧，而且新鲜炸起都几好食。 鸡槌都比想像中好，唔系炸好晒夹出黎嘅，都系新鲜炸，唔会炸得干。 芝士蘑菇鸡翼就比较特别，系无骨鸡中翼黎，内里酿咗蘑菇芝士落去，小食之中最推介。 值得一提佢地小食嘅垫底菜都好干净好靓，系可以食埋嘅沙律菜黎。 另外点咗嘅推介就系木船杂锦汤河，就咁睇已经知佢大堆头。 换个角度睇，劲多𩠌，多到连啲粉系边都睇唔到。 食咗一阵之后终于有位整理一下，肉方面有齐晒无骨鸡肉，猪肉片，牛腩，丸方面咁多粒丸，唔好计漏
餐牌唔同咗，但菜式一样丰富，但今次都叫做第一次帮衬新menu，睇价钱算好抵食，不过实在花多眼乱，一于点个门口餐牌推介各点一个，再加多三份小食。
个黑豚腩肉丼真系好正，好香烧烤汁嘅味，啲肉片又烤得少许㶶边唔韧，加上成座山咁满嘅青木瓜丝，开胃得黎配合埋个肉黎食唔油腻。肉量唔少，而且系肉堆中间仲埋藏咗只流心蛋，除咗极度邪恶，仲极度满足。
小食方面点咗炸鱼饼，鸡槌同芝士蘑菇鸡翼。
炸鱼饼同平时系超市买到嘅鱼饼唔同，佢地呢度嘅系比较淋身烟韧，而且新鲜炸起都几好食。
鸡槌都比想像中好，唔系炸好晒夹出黎嘅，都系新鲜炸，唔会炸得干。
芝士蘑菇鸡翼就比较特别，系无骨鸡中翼黎，内里酿咗蘑菇芝士落去，小食之中最推介。
值得一提佢地小食嘅垫底菜都好干净好靓，系可以食埋嘅沙律菜黎。
另外点咗嘅推介就系木船杂锦汤河，就咁睇已经知佢大堆头。
换个角度睇，劲多𩠌，多到连啲粉系边都睇唔到。
食咗一阵之后终于有位整理一下，肉方面有齐晒无骨鸡肉，猪肉片，牛腩，丸方面咁多粒丸，唔好计漏后面嘅扎肉，另外我已经食咗啲丸，所以原本真系好多，系超多。
粉面佢地都系不计成本大手落去。汤方面用咗牛肉汤，好香，但唔会太咸。
如果呢碗杂锦汤河一个普通女生食一定食唔晒，记得要少粉，我觉得甚至分两碗都够食。男生都要食量偏多嘅人先食得晒。
两个人食到饱饱先啱岩好二百蚊，真系又抵食又好食，下次可以再试其他野。
去食嘅记得问下份量，如果自己细食嘅最好叫细份或者自己带定个碗打包好啲。
同埋约人嘅唔好去错呀，晚饭时间已经见到有几个人约咗系新果间但黎咗旧嘅位置啦。
张贴
