Chill Inn (已結業)

有时会去九龙湾E-max国际展贸中心睇戏食饭，近来发觉开左几间好野食，上星期睇完戏就去左位于地下既新派泰菜Chill Inn，餐厅装修高雅有情调，仲有一间独立房间可以一班朋友自成一角享受食物。晚上餐厅有二人晚餐可选择，而餐牌上亦有不同单点及饮品可选，餐厅有多元化既食品，我地首先点左士拉差鸡丝墨西哥芝士粟米片，香脆既粟米片沾上浓郁既芝士酱汁，酱汁带点微辣，香口又好味。另外就点左香煎比目鱼柳白菌意粉，比目鱼表面香脆鱼肉嫩滑，而且份量都唔少，而意粉经香蒜炒过，干身有咬口质感唔错。最后北海道带子泡菜扁意粉，刺身级既带子爽口弹牙，将两面轻微煎香，新鲜好味，而泡菜炒意粉，带点辣味有韩日fusion感觉。餐厅有气氛，食物有水准，确实系不错既选择。