東羅 泰館 (已結業)

去观塘凯汇探朋友，见到裕民坊3楼平台花园有间环境好悠闲嘅泰式餐厅，环境唔错，门口有好多打卡位，装修有泰国特色，中午时间都几多人帮衬。中午套餐价钱抵食，选择都几多！我哋点咗两份主食，加咗小食同嘢饮，系平靓正嘅一餐。泰南红咖喱慢煮牛肋条饭牛肋条吸收了咖喱汁的味道，煮得好冧好入味，咖喱汁浓郁微辣，咖喱汁配上香喷喷嘅泰国香米饭，非常满足。又话拉蟹肉炒饭蟹肉份量足够，卖相几好，炒饭粒粒分明，炒得干身。炭烤鱿鱼须有惊喜，好钟意佢够香口，沾上自家制香辣酱汁，真系好好味。炸薯条佢嘅外层炸得好酥脆，入口即化。香草蒜茸法包条卖相不错，蒜蓉味突出，法包外酥内松软，表面微微焦香，非常香口。香茅斑兰茶 感觉很养生，口感好清新，混合咗香茅同斑兰嘅味道，香气四溢。