泰斗 (中達大廈)

营业中

休息中

同3月寿星女饭聚，佢话想食泰菜兼饮杯嘢，就响公司附近揾咗呢间泰斗，食完嘢先至再去饮嘢。我哋坐室内，对住九龙公园嘅大榕树，绿意盎然，又几正㖞。2个女子都想远离淀粉质，同埋仲有下一场饮嘢，于是决定清清哋食轻量就算。柚子沙律啖啖柚子肉，汁液充盈，清甜可口，夹杂埋紫洋葱嘅微微辛辣、仲有炸葱蒜片又香又惹味，好味又健康酸辣青柠明炉鱼呢个鱼锅用嘅系乌头，乌头够肥美，油脂甘香，鱼肉质地又滑又无泥味配菜丰富，加埋粉丝份量都几多架，滚起嚟柠檬嘅清香，闻到都零舍醒神，粉丝吸收咗汤汁精华，酸酸辣辣，又香又滑，夹杂香菜洋葱一齐食，好味泰式炒椰菜苗讲起食泰国嘢拣嘅蔬菜，个人比较钟情椰菜苗多于通菜，因为咬落爽爽有质感，同埋佢更有代表性颜色青绿又爽口，泰式炒比较清淡，唔及马拉盏惹味，想健康啲系唔错嘅选择。