新泰東南亞餐廳 (雙子匯1期)

营业中

休息中

今晚行双子汇发现佢哋楼上有间好有特色嘅泰国餐厅，装修真系好吸引！餐厅宽敞又大间，墙身用咗好多泰式手工艺品点缀，金色大象仲好适合打卡，好多卡位非常好坐，仲要景观开扬，好适合同朋友饭聚。泰式柚子虾沙律好有惊喜！柚子果肉超级清新酸甜！大虾口感弹牙鲜香，酸咪咪好开胃！南瓜海鲜焗饭原只南瓜上，加入青口、鱿鱼等海鲜，装到满泻，米饭入味！小拼盘（虾饼、鱼饼）可以同时食到虾饼同鱼饼，虾饼弹牙，鱼饼有特色，沾少少泰式辣酱，更提升咗佢个风味。泰式烧鸡鸡皮烧得香脆，肉质嫩滑，份量仲要好满足。