新泰東南亞餐廳 (已結業)

约左系湾仔返工嘅旧同事食泰国菜。到步出䢂口,眼前金碧辉煌,其装潢设计及三张大龙椅凳好舒服吾打卡都对吾住自己。内里面积相当大,难得系租金高昂嘅港岛区,仍然揾到台与台之间保持空间宽敞嘅食市。入面装饰充满泰国风情,简直系华丽食堂,令人感觉舒适写意。服务员招呼我哋坐低,送来两杯和暖开水,系寒凉嘅日子来一杯暖水真令人窝心。打开餐牌见到写着"用心制作东南亚美食", 越简单嘅菜式越能考起大厨师嘅厨艺,我哋就点一啲简单嘅菜式来体会一下什么叫做"用心制作"。印度薄饼刚烤烘出来嘅薄饼淡黄金色,热烘烘散发著阵阵香味，口感松软,完全吾油腻,就咁食已经好好味。泰式炒什菜碧绿色、鲜橙色、浅黄色…一碟充满泰式蒜香味嘅什菜,有西兰花、椰菜花、红萝卜、椰菜、粟米心同草菇等。各种蔬菜新鲜、有爽脆、稔甜等不同口感,非常健康。 越式蟹肉炒粉丝粉丝炒得爽．弹条条分明,粉丝中夹杂著爽口清脆灯笼椒、芽菜、甘荀丝、椰菜丝等配料外，仲有微辣扎肉,同真材实料嘅蟹肉,份量都好多呀。加上韭菜同芹菜独特嘅香味,令整碟粉丝大大提升了口味层次。泰式甜品小拼盘甜品亦系食泰国菜嘅灵魂,椰汁西米糕、大菜糕、绿豆边同千层糕四款甜品入囗都啖啖椰香,吾太甜。