泰燒遙 (已結業)

每次晚餐食咩都系由女朋友决定，今日都唔例外。女朋友话想食泰国野，即刻上网揾边度有泰国菜食！其实泰国野食除左风味之外，海鲜都系泰国野嘅重点之一，今次就试下啦！ 烧蛏子皇 - $45 蛏子皇果然名不虚传，大大只嘅蛏子鲜味十足，只系简单清蒸，唔洗加任何调味已经相当好食，到而家睇返相都劲回味。 泰式小食拼盘- 女朋友成日心多多，咩都想食少少。最中意就系嗌泰式小食拼盘，贪佢咩都有，有猪颈肉、虾卷、串烧、炸虾饼。每样都可以食D又唔怕食唔晒。一次过满足晒佢唔同愿望，唔洗烦！仲要都几好味，哈哈！ 点完菜之后，Staff 随即比左两粒骰仔我地，而家只要掷到孖骰或者围骰，就有小菜或者现金券送。最劲个个仲要系全单免找数添呀！ 仲有一个都几引起我地注意既就系个个$99狂欢鱼虾蟹，系泰国泼水节前后，个个星期都有$99海鲜，好似系今2个星期就有$99大肉蟹，下2个星期就有$99大头虾，之后再过2个星期就有红鱼或海鲈鱼。平时海鲜好少可咁平，真系超值，可以试一试呀。