泰瀾鑊 (北角匯三期)

营业中

休息中

呢间系北角汇既餐厅，装修系泰国风格，仲放佐架笃笃车系度添，够晒特式！镬仔椰香青咖喱烧鸡扒😸鸡扒烧香佐先放落咖喱去煮，鸡扒烧完好嫩，烧到㶶边，好香口，青咖喱用佐更多既椰汁，更加唔辣，但系都好惹味，落既蔬菜更多，好似有毛茄呢啲，好呀！蛋网炒金边😽金边粉好有嚼劲，咸咸酸酸，虾球又大只，好弹牙呀，加埋嚼葱丝，好香，蛋丝整到好薄，好似果网咁包住金边粉，加埋啲萝卜丝，好食！顶级兰王蛋香叶辣肉碎炒饭😻炒饭做到粒粒分明，肉碎包满每粒饭粒，加埋香叶豆角香葱，特别浓味，煎蛋好饱满，蛋香十足，煎蛋整到系太阳蛋，未熟晒，笃穿蛋黄捞埋啲饭一齐食，好出色既炒饭！