鱷魚泰國餐廳 (已結業)

作为爱食泰菜嘅我，九龙城当然系我成日揾食嘅地方啦! 呢日比小弟揾到间比较新嘅泰菜餐厅，当然二话不说拉埋好友一齐试下，睇下有冇惊喜!餐厅睇落几舒服，有梳发位。呢日可能去得比较早，餐厅唔系好多人，唔驶等。坐底先叫个椰青润喉。椰青大大个，重量十足。饮落清甜，够新鲜!小食叫了个小鸟等爱，造型可爱，炸虾内满满的虾胶包住鲜虾一只，用料十足。肉碎生菜包(牛)，辣度适中，新鲜生菜包上热辣嘅牛肉碎，一啖摆落口，冇得顶。马拉盏炒通菜，辣度比生菜包更劲，不过十分惹味，唔怕辣嘅朋友可以一试。最后仲叫咗个椰青焗饭，饭吸收晒椰青嘅味，加上配料，口感味道一流，又饱肚。食物有水准，价钱又唔贵，值得下次再黎!