Orange Elephant Thai Restaurant (博文街) (已搬遷) 新店位置

朋友想食泰国菜，好耐无见就下佢近近地，去左佢住所附近大角咀泰国菜餐厅开饭。餐厅环境光鲜，食客唔多隔枱坐，餐筷备有滚水冲洗，小店注重卫生可安心食。我地去到先知餐厅原来有一蚊鸡优惠，侍应提点可点当日指定优惠美食，好抵食。黄咖喱鸡(优惠价) $1咖喱香而不辣有椰香味，酱汁较稀身不油腻捞白饭正，鸡肉嫩口，仲有薯仔、红萝卜、洋葱等配料都几好味。杂锦串烧半打 $83鸡猪各三，串烧肉嫩有肉汁好易撕开，面层有黑胡椒碎食落好惹味，蘸埋沙嗲酱花生味好香好有风味。椰青焗海鲜饭 $104原个椰青窒塞满大堆饭份量唔少，椰浆满泻望见流晒口水，饭粒粒分明而且食落啖啖椰青水清香，虾肉弹牙，鱿鱼须软身易嚼，仲有椰肉丝、腰果、三色豆等，好多配料食落口感丰富。泰式明炉乌头鱼 $169肥美的乌头鱼以泰式酸梅汤浸煮，汤底清鱼肉质嫩，酸酸地几开胃，明火热住下鱼肉酸甜好入味无泥味，大量香葱、秀珍菇、椰菜、肉碎好多配料食。椰汁珍多冰 $28 泰菜特式饮品当然要饮番杯，椰汁清甜可口，仲有软滑的绿豆粉条、阿答子、大树菠萝口感丰富，有得饮有得食。菠萝冰$28新鲜菠萝制沙冰口感细腻，味道清甜饮落有几分凉意，爽呀。