山葵日本料理

营业中

休息中

一条友放工之后去九龙城揾饭食，突然之间想食鱼生饭，发现九龙城唔多日本餐厅。呢间餐厅之前食过午饭觉得都ok，就试下食晚餐啦。餐厅唔算大，位于位之间有啲迫。精选鱼生饭($168)有拖罗蓉，牡丹虾同海胆。拖罗唔算太鲜味，做得蓉都唔会俾靓嘢你。牡丹虾够大只够鲜甜，海胆唔够甜但好彩无苦味。仲有甜蛋几粒，冻冻甜甜。饭分量都算正常，整体不过不失。杂锦天妇罗($78)除咗两只虾之外，仲有茄子，番薯，南瓜，冬菇等。粉浆厚薄正常，不过天妇罗汁比较细碗，要再问店员攞。另外叫咗罐啤酒，可惜唔够冻，要扣分。