鼎豐雞煲泰國菜 (已結業)

秋冬最适合就系打边炉同食鸡煲。呢间太子既鼎丰鸡煲泰国菜，最近做紧优惠，如果鸡煲叫半只鸡就送肥牛，一只鸡就送安格斯牛柳。鼎丰招牌鸡煲（少辣）$188佢嘅调味做得唔错，有好多香料包括洋葱辣椒，就算叫半只鸡其实份量都唔少。煮到咁上下，就会有楼面嘅姐姐帮你开盖同翻炒一下，跟住就食得。小辣对我来讲啱啱好，因为一直煮热会越食越辣，好惹味。即炸爆芝紫菜响铃$79平时响铃食得多，但系夹咗芝士嘅第一次食。响铃因为系即炸，所以卜卜脆，而配左芝士夹系入面，索晒惹味鸡煲嘅汤汁，咸咸辣辣咁食得好过瘾。手打墨鱼丸$58我见餐牌上面都有推介，就点左嚟试吓。发觉真系好弹牙，而且仲有少少蟹系上面所以口感好特别而且食得出墨鱼滑嘅鲜甜。