BKK

一路以为元创坊系文青集中地，原来里面都有唔少餐厅，今次行完展览揾食见到间行复古风嘅泰菜，就入去试下。热辣辣，一嚟我地就叫左杯龙眼特饮先至再慢慢叫餐🍹炒和牛粿条呢个河粉我见每一枱都叫，所以都叫嚟试下。份量算几多（原本谂住系轻食），河粉有镬气，好难得牛肉有味，而唔系茶记无哂牛味嘅牛肉，几有惊喜，唔怪得每枱都叫。薄饼配泰式咖喱薄饼唔似系来货，烟韧，可以撕开一丝丝，几好。泰式咖喱酸中带少少甜，同冬荫公咪类似，同薄饼几夹。有两块，不过如果有四块就好😚唔够喉。咖喱和牛肋条呢个又系有几惊喜，平时咖喱牛腩煮好耐都会好鞋，估唔到佢地嘅牛肋条好琳，可能用料真系唔同🥰，更难得系个薯仔都入哂味，中间仲软绵绵🤩因为食牛河已经够，所以我地无加饭，咖喱连埋饭食一定好正😎呢间餐厅系元创坊里面，食物质素有诚意，份量正常，唔系专做游客生意，见有唔少放工嚟食饭嘅。能够做到附近工作嘅人嚟帮衬，就有值得欣赏嘅地方，推介畀大家。