泰廳 (已搬遷) 新店位置

老豆话要学整泰式明炉乌头，但佢整极都系争紧少少味道，做仔嘅唯有带佢出嚟食下，研究下人哋点整，偷下师！元朗好多泰菜我哋都食过，今次就试下呢间泰厅先！两父子先嚟啤啤佢，冰凉泰象啤清清地每支27蚊。热辣辣泰式明炉乌头139蚊，落左好多香料同肉碎，属开胃菜式酸酸辣辣，我地连汤都饮唔少。嚟多个泰式海鲜沙律 89蚊，有大量粉丝，几只青口，鱿鱼，同虾，都几多料，同埋好够辣！芒果沙冰都几好，新鲜芒果打成，咁大杯$32蚊！呢度地方坐得几舒服，2父子食啲野吹下水都唔错！