冬蔭NOODLE (已結業)

平时喺尖沙咀想食泰国菜，都谂到头爆，因为好多泰国菜都唔平，今日就发现咗一间价钱合理嘅泰国菜《冬荫Noodles》。 餐厅座位都几阔落同新净。 我就点了《海鲜冬荫汤粉丝》，冬阴汤底十分惹味，再加埋丰富嘅海鲜配料，鱿鱼，虾，鱼蛋，青口等，真系十分之满足。 男友就叫左个《泰保药膳猪骨汤底》嘅海鲜汤粉。其实两款啲海鲜配料一样，只不过系个汤底唔同，药膳呢款好香中药味，绝对系药膳控嘅不二之选。 我哋仲叫咗两款小食，鸡翼同鱼饼。鸡翼煎得够香，鱼饼够弹牙。 饮品呢度都有好多选择啊，而我最爱就系青柠梳打，因为真系可以解一解口腔嘅油腻感。