泰象苑 (已結業)

有个好朋友介绍太子柏树街有一间好味既泰国餐厅，个名系泰象苑，D食物卖相都不错，所以今天和朋友专程收工去一试先！系门口睇到 有set 又有得散，几吸引㖞！即刻入去试试先，原来呢间餐厅是用来自泰国厨师主理，食物应该有保证啦！而店内虽然多人，但都唔觉得太迫。等左10分钟，可以入坐。即刻打开餐牌睇下有咩正野先，今天突然好想食鱼🐟，就叫左一条曼谷地道盐烧鲗鱼，泰式秘制咖喱羊膝，仲至爱的生菜包，再加2杯青柠梳打！先就下盐烧鲗鱼！鱼表面盖上一层层盐烧制而成，打开鱼内有香茅等材料腌制，令肉质鲜味，一点鱼脭味也没有，再配合鱼露，将鱼的鲜味带出来，果然不错！再试泰式秘制咖喱羊膝！咖哩不算太辣，羊膝有惊喜㖞，竟然冇苏味，而肉质细嫩，真系几好味！而分量相当充足，个羊膝成个拳头咁大，仲有杂菜，薯仔，蕃茄等！ 到至爱，生菜包肉碎！新鲜生菜，再加埋带有少少辣味的肉碎，真系令人食唔停口！真系不用多讲，食左先！之后，再喝埋杯青柠梳打，已经大满足了！2个人加埋都系三百蚊左右，都几抵食！