影片
更多
2017-12-14
995 浏览
就因为见到 充满玩味嘅一句，成功喺琼华中心咁多间食店之中脱颖而出而出，吸引到我同朋友上去睇吓有几变"泰"！ 最重要喺因为餐厅新开无耐，做紧优惠价！ ７：００前卖单 ＄１３８（原价＄１７８） ７：３０—１０：３０ ＄１５８（原价＄１９８） １０：３０后入座 ＄１３８（原价＄１７８） 点菜纸上面嘅野食又真系几泰式！唔系得个名～ 主要有６款汤底，招牌泰阴公, 椰鸡汤, 青咖哩汤, 蕃茄汤, 泰式猪骨筒汤, 泰嬷辣汤 主食方面就分为:肉类, 丸类, 沙律及粉面蔬菜类 加码项目就有串烧拼盘,大刀手切牛肩肉,泰Fresh船3款 场内环境好光猛阔落～水吧位置仲整到好似一间泰式酒吧咁！好有气氛～ 有得打边炉之外，喺餐厅正中位置仲有一排沙律,热食,小食同甜品！ 沙律有:青瓜沙律,木瓜沙律,肉碎粉丝沙律,蕃茄沙律等等... 木瓜沙律都几辣弄下！青瓜沙律就会清少少～ 热食同小食类就有炒菜,虾片,咖哩角,茄子,鸡翼同生菜包等等... 我最中意嘅就系生菜包～！平时食泰国野叫一份都几十蚊！ 而呢到就可以任食！！生菜细细片而且够新鲜～ 肉碎嘅辣度中等，以我唔太食得辣嚟计，每次只要唔好加太多肉碎都接受到～ 喜欢食
就因为见到 [好食到变"泰"] 充满玩味嘅一句，成功喺琼华中心咁多间食店之中脱颖而出而出，吸引到我同朋友上去睇吓有几变"泰"！最重要喺因为餐厅新开无耐，做紧优惠价！
７：００前卖单 ＄１３８（原价＄１７８）
７：３０—１０：３０ ＄１５８（原价＄１９８）
１０：３０后入座 ＄１３８（原价＄１７８）
点菜纸上面嘅野食又真系几泰式！唔系得个名～主要有６款汤底，招牌泰阴公, 椰鸡汤, 青咖哩汤, 蕃茄汤, 泰式猪骨筒汤, 泰嬷辣汤
主食方面就分为:肉类, 丸类, 沙律及粉面蔬菜类
加码项目就有串烧拼盘,大刀手切牛肩肉,泰Fresh船3款
场内环境好光猛阔落～水吧位置仲整到好似一间泰式酒吧咁！好有气氛～
有得打边炉之外，喺餐厅正中位置仲有一排沙律,热食,小食同甜品！沙律有:青瓜沙律,木瓜沙律,肉碎粉丝沙律,蕃茄沙律等等...
木瓜沙律都几辣弄下！青瓜沙律就会清少少～
热食同小食类就有炒菜,虾片,咖哩角,茄子,鸡翼同生菜包等等...我最中意嘅就系生菜包～！平时食泰国野叫一份都几十蚊！
而呢到就可以任食！！生菜细细片而且够新鲜～
肉碎嘅辣度中等，以我唔太食得辣嚟计，每次只要唔好加太多肉碎都接受到～
喜欢食极辣极重口味嘅话，台面上一大埋嘅调味料绝对岩晒你！又指天椒...又辣椒粉...仲有啲花椒八角同泰式香料比你调味！
饮品方面以自取形式，有汽水,柠茶,菊花茶,乌龙茶同解茶等等～如果想饮特别啲嘅都可以加钱叫特色饮品。餐厅唔止有特饮，连Mocktail,cocktail,Beer都有得叫！
Cocktail-冬荫THAI $68[分数:8/10]
贪得意同朋友叫咗Set Shoter 玩下！放心～其实佢地嘅Shoter只系浓少少嘅Cocktail，所以饮落去甜甜地，我地呢Set就有少少蜜桃味，不过饮落都会感受到一股热力，少饮酒嘅人士都要小心啲，唔好觉得甜甜地几好味，饮饮下就醉咗！XD
泰阴公拼椰鸡汤 +$10[分数:7.5/10]
双拼汤底要加$10蚊，个个汤底都好想试下，最后拣咗招牌泰阴公同椰子鸡汤底～其实好想试埋青咖哩汤底！不过无得３拼，唯有等下次啦～泰阴公汤底比我相像中无咁辣，可能就反唔太食得辣嘅客人，如果想辣啲就可以拎啲指天椒加落去～而椰子鸡汤底都几浓味，未食已经闻落淡淡嘅椰子香～唔食得辣嘅朋友可以叫呢个试下！
大刀手切牛肩肉(半磅) $98[分数:9/10]
牛肩肉我会比8.5分，有0.5分其实系比只牛牛！用嚟装牛肩肉嘅牛牛真系好可爱！！其实都几重下，睇落肥嘟嘟，表面仲好光滑添！好喇，讲反重点...牛肩肉肥瘦好平均，可以睇得到一条条肉同脂肪间嘅幼纹，肩肉软腍有肉香，细嚼之下带阵阵脂香！打边炉真系一定要食牛肩肉！
泰Fresh船 $138[分数:9/10]
唔好睇佢要加成百几蚊觉得好贵，但其实真系物有所值！而我地就比佢嘅 [乌头] 所吸引～
拼盘入面有: 生蚝x2, 鲍鱼x2, 元贝x2, 青口x2, 海虾x2, 花甲x4, 蛏子x4 ,乌头半条
食泰菜你一定会食过明炉乌头！所以讲起"乌头"一系就会谂起潮州打冷，一系就谂起泰菜！虽然我唔太食得辣，但都会建议放入冬阴公汤底，味道真系会夹啲同成个感觉泰式晒！
生蚝同鲍鱼亦好新鲜，生蚝熟咗都仲系大大只！好肥美，好鲜甜！
美国肥牛,羊肉片,豚肉片[分数:7.5/10]
肉片类主要食呢3样，肥牛嘅脂肪比重唔会失衡，唔会好似出面有啲放题系脂肪多过肉，入口几嫩滑。羊肉片会有啲骚味，对于中意食羊嘅我嚟讲系非常适合，但如果你唔中意羊骚味嘅话就最好试细细啖先。至于豚肉片比我想像中滑，不过始终我都系牛肉爱好者，所以主力都系食牛多～
其他配料[分数:7.5/10]
除咗有肥牛之外，其实仲有鲜牛片,牛肋粒。比较特别嘅就有泰式鱼饼同泰式排骨，而猪下青肉就即系猪颈肉，餐厅切到一条条好粗身嘅肉条咁，睇落非常肥美，食落当然都邪恶到极啦！食到差唔多系时候食啲粉面类，佢地有提供泰式MAMA公仔面同金边粉！两样都好好食！公仔面细细个，每人食一个都得～！
甜品[分数:8/10]
甜品有紫米露, 西米露, 千层糕, 大菜糕, 椰汁糯米饭 任食！最好食竟然系椰汁糯米饭！虽然呢款甜品都几饱肚下，但我竟然食左6粒！记得加多啲椰汁，佢整到好似椰浆咁好杰身，佢椰子味唔算好重，淡嘅椰香，口感顺滑，加上甜甜地咁，真系好好食！椰汁入面嘅黄色粒粒原本以系粟米或大树波罗粒，但原来系芒果嚟！认真讲...真系可以一个人食晒碗椰浆...
******************************
泰边炉
旺角弥敦道628号琼华中心9楼
******************************
以上消费：$258/人均
味道：8.5/10
环境：8.5/10
服务：8.5/10
卫生：8.5/10
抵食：8.5/10
张贴
