影片
更多
2019-08-14
2949 浏览
约咗朋友去九龙湾交收，之后一齐食饭， 咁啱行过德福，见到牛阵又出咗个泰式冬阴功汤底，天气咁热梗系食啲泰国嘢，酸辣够开胃嘛。 等咗一阵就好快有位，店员好快就准备好过汤底，而且仲教我哋点起镬，用和牛脂肪煎出油份先加冬阴功汤，真系好贴心。而且仲有各式各样嘅香料，例如香叶，泰国子弹辣椒等等， 加埋个泰式蔬菜盘，有我最钟意食嘅泰国茄子 同青木瓜，够晒泰国风味，不过怕辣嘅人就唔好落咁多辣椒，因为比平时嘅辣椒更加辣。 我都辣到要叫返两支象啤嚟饮，解解辣。好快亦都送上牛肉，牛舌，海鲜同豚肉，呢个餐系跟澳洲壳饲牛，肉味香浓，牛舌亦都唔错，爽口嫩滑。 海鲜都唔错，有鱿鱼， 带子 ，生蚝等等，尤其是生蚝，鲜甜得嚟都够晒大粒， 好味。食到咁上下当然要出去拎下啲配料啦， 款式都几多，同埋见到店员定时都会加配料，保持新鲜，抵赞。而且仲有啲泰国小食，例如炸虾片，炸鸡，咖哩牛肉 等等。 尤其系个咖哩牛肉非常juicy惹味， 咖哩味够晒香， 真系想攞嚟捞饭。 不过用虾片配埋咖哩食都唔错， 啲虾片脆口得来 都几香，而且唔油腻。食饱饱就梗系排队拎雪糕啦，haagen dazs嘅雪糕不嬲都有质素，而且都有几多种味选择例如蓝莓
等咗一阵就好快有位，店员好快就准备好过汤底，而且仲教我哋点起镬，用和牛脂肪煎出油份先加冬阴功汤，真系好贴心。
而且仲有各式各样嘅香料，例如香叶，泰国子弹辣椒等等， 加埋个泰式蔬菜盘，有我最钟意食嘅泰国茄子 同青木瓜，够晒泰国风味，不过怕辣嘅人就唔好落咁多辣椒，因为比平时嘅辣椒更加辣。 我都辣到要叫返两支象啤嚟饮，解解辣。
好快亦都送上牛肉，牛舌，海鲜同豚肉，呢个餐系跟澳洲壳饲牛，肉味香浓，牛舌亦都唔错，爽口嫩滑。
海鲜都唔错，有鱿鱼， 带子 ，生蚝等等，尤其是生蚝，鲜甜得嚟都够晒大粒， 好味。
食到咁上下当然要出去拎下啲配料啦， 款式都几多，同埋见到店员定时都会加配料，保持新鲜，抵赞。
而且仲有啲泰国小食，例如炸虾片，炸鸡，咖哩牛肉 等等。 尤其系个咖哩牛肉非常juicy惹味， 咖哩味够晒香， 真系想攞嚟捞饭。 不过用虾片配埋咖哩食都唔错， 啲虾片脆口得来 都几香，而且唔油腻。
食饱饱就梗系排队拎雪糕啦，haagen dazs嘅雪糕不嬲都有质素，而且都有几多种味选择例如蓝莓， 士多啤梨，云呢拿，绿茶等等 。
今餐真系食得好饱 ，价钱都合理，唔知牛阵之后仲会出其他咩味嘅汤底呢， 可以之后约埋班朋友再试。
张贴
