泰麵膳 (已結業)

本身对于泰式粉面有特别情意结，喺泰国就算坐街边档一样照食可也，当然卫生环境一定唔好，但有时候可能试到意想不到好食既街边档！喺open rice 睇过吓食评，有人评面份量太细，但其实泰国食到既每碗份量一定唔会太多粉，我谂有唔少人都试过一次食三到四碗！当然你可以会话泰国果D卖好平㖞！老板！你都识讲泰国㖞，尼树香港，如果你可以做到泰国价钱喺香港尖沙咀地铺通知声，一定帮衬！当然你问我，我觉得泰麺膳 汤粉定价有少少进取但其他小食果D都正常，人均$80 已饱。粉红汤粉食落一般啦，但牛肉船河真系食到泰国风味，D牛肉仲好重牛肉味。炸虾蛋试过就算，串烧好够味抵食推介！有地方可以进步，希望佢地可以向好向面改进，毕竟尖沙咀都几难揾到同类泰国粉面店！