Mee...lemongrass (彩園廣場) (已結業)

听朋友讲彩园开左间泰国菜，平时都几钟意食泰国野，今日见近近地就黎试一试。去到门口，好多人排队，专情黎食唯有等下啦~晚饭时间差唔多等左半个钟先入座，系门口已经睇定餐牌，一坐企即叫。等位等到好肚饿，好彩上菜都几快手。+无骨海南鸡喇沙~$72喇沙都几大碗，海南鸡仲要系去左骨，岩哂我呢啲懒人，但海南鸡就肥左啲，喇沙味道刚好，唔会太咸太辣。+无骨酸辣凤爪沙津~$62冇菜既，唔知点解叫沙津，不过凤爪辣辣地几好食，份量又多+芒果椰汁糯米饭~$42食泰国菜，点少得芒果糯米饭。同平时见既唔同，卖相整得几靓，加分。分开左4份，芒果够甜，仲有椰汁可以自己点。有啲得意既位系，本身淋系糯米饭既椰汁系唔甜既，但另外碟上既椰汁系甜啲既，岩哂钟意食甜野既人。