薄荷葉泰國菜

营业中

休息中

琴日放工去咗元朗揾食行行下去到元朗图书馆对面有间泰菜见到几多人就入去试吓啰两个人都叫咗四样嘢食生菜包几好㖞 酸酸辣辣唔错 唔多油 通常街食都好多油但系佢就冇喇👍🏼👍🏼咖喱软壳蟹都几多啊 有六件 仲要唔系好多炸粉 真材实料 几好食 有咖喱当然要配薄饼啦薄饼一客有四件 摆得靓靓仔仔一路点咖喱好快就食晒啲薄饼了🤪沙嗲牛串鸡串唔错 两个都好淋 又大嚿 牛肉系比我想像中淋身 好食😋沙嗲汁就唔系平时𠮶种 我通常食甜甜地 佢就偏咸嘅 餐厅都好好 见我食晒啲沙嗲酱都有帮我添酱😆最后一人一杯嘢饮 黑啤酒味好浓啊 老公就好钟意❤️我就叫咗椰青 都唔错呀好清甜 清热又唔肥😚泰菜真系几时都咁开胃 今年冇得去旅行唯有定期食啲唔同国家嘅菜满足下啦☺️