金滿象正宗泰國菜 (已結業)

又是happy friday日子，3人约左系旺角行街食饭，因为冇book位，周围都好full，经过呢间泰国餐厅，刚好有位，于是就试下了。装潢以木系为主，墙上挂有图画及大象摆设，暖色的灯光，有relax之感，但坐位有点挤迫。餐牌。香茅冰，$36，见咁特别就试下，是柠檬草、姜及香茅而成，味道冰凉清新，有种似曾相识的感觉，就是上年泰国旅行时常饮的Welcome drink。泰式冻奶茶(视帝奶茶)，$30，友人叫的，个名太抢眼了，试左点，又是熟悉的味道，偏甜的泰式奶茶，记得同某牌子的泰式奶茶冲剂味道好似呀。椰青，$39，友人的。泰式海鲜冬荫功汤(大)，$139，食泰国菜，冬荫功必出场，卖相好火辣，但其实不是，味道偏椰香味，甜甜酸酸，微辣，有3只大虾及大量草菇，好足料呀。泰式串烧沙爹(半打)，$79，要了猪同鸡，串烧好惹味，配上甜甜地的沙嗲酱更好味呀。黄咖喱牛腩，$79，黄咖喱微辣，椰香味浓郁，甜甜地，不俗，牛腩份量适中，口感松化，几好味呀。原只椰青海鲜焗饭，$99，有虾、鱿鱼及青口等，十分足料，焗饭充满椰青的清香味，份量多，味道不俗呀。食物味道几好，不过唔够辣，环境比较挤迫，服务态度不俗。