少爺泰 (已結業)

有次食泰国菜，朋友话沙田都有间好好食个㖞，沙田出名冇嘢食，竟然有好野食？佢讲到咁我梗系要去试吓。呢间离沙田围站唔系太远既店铺，其实都几易去，店舖所处嘅位置人流较少，原本以为铺头入边应该都唔太多人，点知一去到坐满晒人了，我哋仲要系平日去食嘅晚饭，咁多人应该质素有返咁上下。首先要咗个头盘：青木瓜沙律上菜嘅时候觉得卖相唔太吸引，但系大大碟咁。点知食落觉得非常特别，同出边啲青木瓜沙律有一样唔同，食到有啲脆脆嘅口感又有啲椰香味，原来佢加咗烤过嘅椰子丝，加上青木瓜同萝卜丝嘅清新味道，同腰果特有嘅香味，呢个系一流嘅夏天开胃菜。又一次，出街食嘢梗系要食菜，叫咗个马拉盏炒通菜分量都系大大碟，马拉盏用料十足但又唔会太咸，菜唔会话炒得太耐太淋，保留咗菜嘅清爽口感，惹味生菜包成棵生菜上，睇相都见到佢好新鲜。生菜包最重要嘅当然系肉碎，肉碎入边瘦肉肥肉比例岩岩好，仲有加入葱头，加上青柠味道酸酸地咁，解左肉嘅油腻感。食多多都唔够饭方面，今次叫咗个非常新奇嘅组合，椰子焗海鲜饭。椰子入边嘅耶子水倒咗出嚟，再填入海鲜饭，面头淋左耶浆同芝士再焗。海鲜饭嘅味道甜甜地，甜既饭原来几好食。面头既耶浆带比我最大嘅惊喜，因为甜甜地好