影片
更多
2013-06-21
920 浏览
小弟第一次写食评,自知冇图,冇准确食物名&价钱,还望各位多多包涵=P与朋友二人第一次到MIKIKI RED THAI 食,可能也是最后一次.......why 去 食?行经RED THAI,第一眼立即比在门口的印度师傅拉薄饼的超凡身手吸引,细细个返乡下系D酒店茶楼,唔多唔少会有个印度师傅拉薄饼,好钟意一食饱就同2个细佬睇人拉薄饼,甚至试过为左睇人拉薄饼而一齐"LER"屋企人叫多个食,近年香港都多左呢种GIMMIC野,e.g.陶大的冬阴公公&mikiki 呢间red thai.唔知点解,总系觉得呢d中东薄饼,一定要中东师傅用呢种系头顶飞下飞下的手法拉先好食.anyway,就系因为个薄饼师傅,所以决定一试.服务奇差门口有recepion counter 但系就一个recepionist都冇,冇人招呼,2条友盲中中,行左好耐先有人招呼,可能本身间野好多位净挂.行近4人位,因同友人到一田买左d野,很自然想把d野放系四人位其中2个位,正准备放之际,带位果个将张四人枱分开做2张两人枱跟住走开左, 心谂:welcome to facebook,而家算点,明明间餐厅有一半位系空ge,隔离果张枱都系咁
与朋友二人第一次到MIKIKI RED THAI 食,可能也是最后一次.......
why 去 食?
行经RED THAI,第一眼立即比在门口的印度师傅拉薄饼的超凡身手吸引,细细个返乡下系D酒店茶楼,唔多唔少会有个印度师傅拉薄饼,好钟意一食饱就同2个细佬睇人拉薄饼,甚至试过为左睇人拉薄饼而一齐"LER"屋企人叫多个食,近年香港都多左呢种GIMMIC野,e.g.陶大的冬阴公公&mikiki 呢间red thai.唔知点解,总系觉得呢d中东薄饼,一定要中东师傅用呢种系头顶飞下飞下的手法拉先好食.anyway,就系因为个薄饼师傅,所以决定一试.
服务奇差
门口有recepion counter 但系就一个recepionist都冇,冇人招呼,2条友盲中中,行左好耐先有人招呼,可能本身间野好多位净挂.行近4人位,因同友人到一田买左d野,很自然想把d野放系四人位其中2个位,正准备放之际,带位果个将张四人枱分开做2张两人枱跟住走开左, 心谂:welcome to facebook,而家算点,明明间餐厅有一半位系空ge,隔离果张枱都系咁摆野......我同友人都系识趣的人,如果间餐厅真系好full,见到有客冇位,一定即刻让番d位出黎.咁我地冇理照摆野&推番张枱.刚坐低,一个待应行埋黎,用十分,极之,丧,爆.....(下删一百字) 差劣 的态度表示不可把d野放在位上,因为一阵(可能)会有客黎.但系明明间野有一半位系空ge,我地左边重有两张空ge 4人枱+一张10人大圆枱,咁我地尽量好声好气同佢讲,如果一阵有客我地会比番d位出黎&我地好快食完就走,得到ge回应系:"我地一阵好快就有客架喇!",then走左去. 我差d想唔食即走,但友人话既言都坐低左,不如试埋d野食先(写衰佢xd).(新闻透视tone)究竟我同友人最后有冇屈服系佢ge淫威低下呢,广告番黎我地再睇.......
food&drink
叫左食物:泰式酸辣牛肉沙律,海南鸡,马沙拉咖哩薯仔松饼,油饭,炒芥兰(脆猪肉);
饮品:龙眼冰,冻拉茶
1)泰式酸辣牛肉沙律
材料:生菜,一块块BBQ牛利大小的熟牛肉,香茅,泰式酸辣汁,不知名香草
评价:above average,感觉非常地道,有置身东南亚感觉(可能因为个汁+香茅+香草配搭得宜),不过辣 左少少(可能我唔系太食得辣),但系系好味ge.
2)海南鸡
评价:合格但唔特别,比起胜利小厨,好时沙嗲,聚宝 差太远,a)鸡系暖暖的,感觉怪怪,加上唔滑;b)d汁唔系特别好,黑豉油唔够浓,姜蓉唔够香,唯独泰式酸辣酱有d家乐牌鲜露味,(比起其他2只)ok好味
3)马沙拉咖哩薯仔松饼
评价:正,我硬系觉得门口有个中东师傅亲自拉ge松饼系唔同d ge,松饼松化,咖哩亦够浓郁,松饼入面ge薯仔粒入哂味,口感十分软滑,但系就滞左d,食一旧好似食左成两碗饭咁,即刻饱哂.
4)油饭
评价: ok,应该加左d香茅落去煮,d饭食落好香香茅味,唔会一味得个油字,d香茅味令成碗饭upgrade,都几有特色.
**5)炒芥兰(脆猪肉)
材料:芥兰(苗),脆猪肉(泰国版火腩),酱(马拉盏?)
评价:全餐最好食,以为外表平凡,但系真系超超超水准,1)芥兰幼嫩,爽脆,清甜;2)脆猪肉(泰国版火腩),系一块块弹牙淋皮的玻璃肉,肥而不腻,肉味浓而不苏,一口咬下去肉汁飞溅,油香四溢;3)酱,疑似马拉盏,唔会太浓/咸而盖过食材的鲜,反而"钓"出芥兰的鲜甜&脆猪肉的油香,吃罢齿颊生香,必食!!!!!!
饮品:1)龙眼冰kay(我assume),因为友人饮ge,冇咩comment
2)冻拉茶:麻麻地,唔够滑,有d"鞋"口
后记:讲真,如果唔系d野食好食,我谂我一定唔会再去比钱受人气&比笑脸佢.(广告番黎)讲番,究竟最后我同友人有冇让番个位出黎呢?(鼓声......)系........冇ge!(紧系啦,如果唔系我点会打出黎呀,咁"火罗"),事实到最后,那位waitor(ress) 口中"好快到ge客人"系冇到ge,直至埋单,左边两张空ge 4人枱+一张10人大圆枱keep 住空(未计右边果d空枱),埋单果阵真系埋佢单,因为系佢找钱,我地有比tips,咁佢都有讲多谢,真系多谢你个多谢wor.+番分服务分比你.
p.s. 下次我决定外卖算数
题外话/补充资料：
后后记:其实最后句多谢系有个story ge:还番个公道比red thai 其他 ge staff,其他staff d 服务其实ok,e.g. 有问d野食o唔ok,打包有问洗唔洗多个胶袋,防穿.不过an bad apple spoils the bunch,咁点解坏苹果会讲多谢呢,首先,当然系店舖keep住50%空,唔洗讲野啦,正所谓一只香蕉能收紧你的皮肤.第二,油饭系之后加单ge,落单系个睇落senior+mature d ge staff(cause 佢地d制服全部一式一样+全部冇名牌),咁我就顺便问佢攞多张意见卡,"咁啱"坏苹果系隔离张枱"汁"紧野,senior staff 听唔清楚我讲咩,我再一次有礼貌地用清楚有力ge语句重覆"唔该我想要张意见卡",我想确保"佢"清楚听到,点知:"唔好意思,我地呢度冇意见卡架","哦,唔紧要,唔该"...........之后服务质素显注提升,起码"佢"黎收碗果阵都有加句"请问",我个fd话,既然佢肯改,已经原谅左佢,叫我都唔好再嬲.我差d想问边个in-charge,但系我都唔想搞到人地冇左份工,我找in-charge,唔系想port死条友,而系觉得red thai d 野食真系几好,如果因为服务问题搞到d人唔去,我登个厨唔抵,本身凭间野d野食"d客真系好快会到",唉.........
希望red thai 能致力改善服务质素,得到各位前辈食家认同.~end~
p.s.去red thai 食想服务质素好d?(虽然冇)记得叫野食果阵顺便问佢lor张意见卡.
(以上食记乃用户个人意见 , 并不代表OpenRice之观点。)
张贴