影片
更多
2016-12-29
216 浏览
早在九月头去过这间试过他们的泰菜，质素挺不俗而且价钱不算贵，所以一定要介绍畀大家💁。餐具用上一位泰国大眼仔做标致可爱万分，更用上令人易联想冬阴功的橙色，好聪明的布局👍。食泰菜梗系饮啲爽口嘢啦！咸青柠梳打$26味道调教得好唔错咸甜适中，如果碎冰可以少D就更加好喇。来到冬阴公公冇理由唔整碗冬阴功汤呀嘛$40(小)🍲，呢度仲可以选择大，中或BB辣度，今晚同车爸爸食当然要BB辣啦！又估佢唔到㖞入口好浓香惹味，酸辣度恰好而且份量亦都好足够好抵饮呀。泰式虾饼$48/2件呢度系两客来的，因为我好钟意食虾饼😀。虾饼炸得酥脆内里鲜香口弹牙，质素十分之高必食之选呀😋。马来串烧海中虾$86/6串🍤，海虾烧得好香口还吃到轻轻觔咖哩香味，唔系就咁盐烧，这个煮法我觉得好栈鬼㖞。我比较钟意食粉面所以拣咗呢个自选东南亚特色汤粉，汤底有三款选择牛骨清汤，冬阴功汤同埋我拣咗嘅鲜鱼汤$38，另外再点自己喜欢的𩠌料，清清哋拣了鸡丝$12，炸支竹$9和豆卜$5共$64，鲜鱼汤入口几鲜甜唔觉有味精，本身汤内已有萝卜，金菇菜，芫茜，芽菜及干葱等配料，成件事都几圆满而且份量仲好足㗎。车爸爸就拣咗佢最钟意食嘅泰式海南鸡饭$68，嘴刁的
餐具用上一位泰国大眼仔做标致可爱万分，更用上令人易联想冬阴功的橙色，好聪明的布局👍。
食泰菜梗系饮啲爽口嘢啦！咸青柠梳打$26味道调教得好唔错咸甜适中，如果碎冰可以少D就更加好喇。
来到冬阴公公冇理由唔整碗冬阴功汤呀嘛$40(小)🍲，呢度仲可以选择大，中或BB辣度，今晚同车爸爸食当然要BB辣啦！又估佢唔到㖞入口好浓香惹味，酸辣度恰好而且份量亦都好足够好抵饮呀。
泰式虾饼$48/2件呢度系两客来的，因为我好钟意食虾饼😀。
虾饼炸得酥脆内里鲜香口弹牙，质素十分之高必食之选呀😋。
马来串烧海中虾$86/6串🍤，海虾烧得好香口还吃到轻轻觔咖哩香味，唔系就咁盐烧，这个煮法我觉得好栈鬼㖞。
我比较钟意食粉面所以拣咗呢个自选东南亚特色汤粉，汤底有三款选择牛骨清汤，冬阴功汤同埋我拣咗嘅鲜鱼汤$38，另外再点自己喜欢的𩠌料，清清哋拣了鸡丝$12，炸支竹$9和豆卜$5共$64，鲜鱼汤入口几鲜甜唔觉有味精，本身汤内已有萝卜，金菇菜，芫茜，芽菜及干葱等配料，成件事都几圆满而且份量仲好足㗎。
车爸爸就拣咗佢最钟意食嘅泰式海南鸡饭$68，嘴刁的车爸爸仲加咗$8转成鸡脾添，鸡肉都几嫩滑鸡皮亦够脆口，配上对版的三色酱和一碗清汤，而油饭我就嫌佢唔够油润香口喇！
张贴
